Kərə yağı ucuzlaşacaq - Rüsum 3 dəfə azaldılır
14:47 07 Dekabr 2017
Sabahdan Azərbaycana idxal edilən kərə yağı və digər süddən hazırlanmış yağlar üçün tətbiq edilən gömrük idxal rüsumları 3 dəfə azaldılır.
Femida.az-ın məlumatına görə, bu, Nazirlər Kabinetinin 7 noyabr 2017-ci ildə dərc edilən və sabah qüvvəyə minən ““Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında” Azərbaycan Respublikası Nazirlər Kabinetinin 2001-ci il 12 aprel tarixli 80 nömrəli qərarında dəyişikliklər edilməsi barədə” qərarında əksini tapıb.
İndiyə qədər Azərbaycana idxal edilən kərə yağı və digər süddən hazırlanmış yağlar üçün tətbiq edilən gömrük idxal rüsumları bu malların gömrük dəyərinin 15 faizi həcmində olub. Qərara əsasən kərə yağı və digər süddən hazırlanmış yağlar üçün tətbiq edilən gömrük idxal rüsumları bu malların gömrük dəyərinin 5 faizi həcmində müəyyənləşib. Qərar 2019-cu il dekabrın 31-dək qüvvədədir.
Qeyd edək ki, Nazirlər Kabineti 17 noyabr 2017-ci il tarixli qərarı ilə “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ni təsdiq edib. Yeni qərarda da 2019-cu il dekabrın 31-dək kərə yağı və digər süddən hazırlanmış yağlara 5 faiz idxal gömrük rüsumu tətbiq edilməsi əksini tapıb. 2019-cu il dekabrın 31-dən sonra kərə yağı və digər süddən hazırlanmış yağlara yenə 15 faiz idxal gömrük rüsumu tətbiq ediləcək.
Femida.az
Oxunub: 960
Oxşar xəbərlər
- Kərə yağı ucuzlaşacaq
- Kərə yağının qiyməti ucuzlaşa bilər
- Kərəm Həsənov qəbul keçirdi
- Kərə yağı niyə bahalaşıb? - Komitə sədrindən açıqlama
- Kərə yağı ilə bağlı daha bir açıqlama yayıb
- Kərəm Həsənov vətəndaşları qəbul edib
- Kərəm Həsənov qəbul keçirəcək
- Kərəm Həsənov Şabranda qəbul keçirdi
- Kərəm Həsənov vətəndaşlarla görüşəcək
- Kərəm Həsənov Ağdamdadır