Dini icmalara şəhadətnamələr verildi
20:04 30 İyun 2017
Dini Qurumlarla İş üzrə Dövlət Komitəsində (DQİDK) yeni qeydiyyatdan keçmiş 7 dini icmaya şəhadətnamələr təqdim edilib.
Femida.az-ın komitənin saytına istinadən verdiyi məlumata görə, tədbirdə DQİDK sədrinin birinci müavini Səyyad Salahlı, şöbə müdirləri və yeni qeydiyyatdan keçmiş dini icmaların sədrləri iştirak ediblər. Səyyad Salahlı çıxışında dinə dövlət qayğısından, dini icmaların fəaliyyəti üçün yaradılan şəraitdən bəhs edib. Dini icmaların Azərbaycan cəmiyyətində özünəməxsus yeri və rolunu xüsusi vurğulayan S. Salahlı bildirib ki, dini maarifləndirmə tədbirlərinin təşkilində, dini radikalizmə qarşı mübarizədə dini icmalar da məsuliyyət daşıyır. O, yeni qeydiyyatdan keçən dini icmaları dinin, milli-mənəvi dəyərlərin ictimaiyyətə düzgün çatdırılması işində aktiv olmağa çağırıb.
Sonda yeni qeydiyyatdan keçmiş dini icma sədrlərinə şəhadətnamələr təqdim edilib.
Qeyd edək ki, dini qurumların yenidən dövlət qeydiyyatına alınması prosesi başlayandan sonra 767 dini qurum dövlət qeydiyyatından keçib. Konfessional baxımdan onların 739-u İslam, 28-i isə qeyri-islam (xristian – 17; yəhudi – 8; krişna – 1; bəhai – 2) təmayüllüdür.
Femida.az
Oxunub: 864
Oxşar xəbərlər
- Dini icmaların sayı 800-ə yaxınlaşdı
- Dini Komitə 12 yaşlı məktəblinin intiharını araşdırır
- Dini Komitə Qubada treninq keçirib
- Dini lağa qoymaq cinayətdirmi?
- Dini konfenssiyalardan Alxanlı faciəsi ilə bağlı müraciət
- Dini Komitə Hacı İlqara xəbərdarlıq etdi
- Dini icmalara pul ayrılıb
- Dini etiqad azadlığı haqqında qanuna dəyişiklik - Qadağalar götürülür
- Dini mərasim zamanı yanğın olub- 22 ölü, 87 yaralı
- Dini liderlər Qarabağla bağlı görüşəcək - Erməni mediasından iddia