Məhkəmə mülki işlərə hansı müddətə baxmalıdır?
13:05 07 Avqust 2017
Mülki prosessual məcəlləyə əsasən, mülki işlər və iqtisadi mübahisələr üzrə ədalət mühakiməsi yalnız məhkəməyə aiddir və məhkəmələr tərəfindən qanunla müəyyən olunmuş qaydada həyata keçirilir.
Hər hansı fiziki və yaxud hüquqi şəxs öz hüququnun və ya qanunla qorunan mənafeyinin müdafiəsi və yaxud təsdiqi üçün məhkəməyə müraciət etdiyi hallarda məhkəmədə iş başlanılır.
Məhkəmə mülki işlərlə (əmlak mübahisəsi, boşanma, borc tələbi, işə bərpa, aliment və sair) bağlı iddia ərizəsinə hansı müddət ərzində baxıb qərar qəbul etməlidir?
Vəkil Asif Abdullayev Femida.az-a açıqlamasında bildirdi ki, Mülki Prosessual Məcəlləyə əsasən, ərizə məhkəməyə daxil olduğu vaxtdan sonra 3 aydan gec olmayaraq, məhkəmə işin həllinə dair qərar qəbul etməlidir (qətnamə və yaxud qərardad):
"İşə bərpa, aliment tutulması, dövlət orqanlarının, ictimai birliklərin, vəzifəli şəxslərin qərarlarının, hərəkətlərinin (və ya hərəkətsizliklərinin) düzgün olmaması barədə işlərə 1 ay müddətində baxılır və həll edilir. İş üzrə ekspertiza təyin edildikdə, vərəsənin müəyyən edilməsi zərurəti yarandıqda və bir sıra digər hallarda, hakimin qərardadı ilə icraat dayandırılır və həmin müddətin hesablanması da dayanır. İcraatın dayandırılmasına əsas olan məsələlər həll olunduqdan sonra hakim icraatı təzələyir və işin araşdırılması davam edir".
Femida.az
Oxunub: 1398
Oxşar xəbərlər
- Məhkəmə xalq artistlərinin iddiasını təmin etmədi
- Məhkəmə həbsdə olan şəxsin cəzasını artırıb
- Məhkəmə Elgiz Qəhrəmanın cəzasını azaldıb
- Məhkəmədə şok - Hökm oxunan general zəhər içdi (VİDEO)
- Məhkəmənin axtarışa verdiyi qadın tutuldu
- Məhkəmədə hakimin halı pisləşdi
- Məhkəmə keçmiş MTN polkovnikinin cəzasını azaldıb
- Məhkəmədə ekspertlər ifadə verdi - Fikrət Qocanın oğlunun qətli ilə bağlı
- Məhkəmədə gərginlik: Dustağın ürəyi getdi
- Məhkəmə Əfqan Muxtarlının vəsatətini təmin etməyib