Piyadanı vurub qaçan sərxoş sürücü tutuldu
22:58 23 Noyabr 2017
Noyabrın 21-də Göyçay rayon Polis Şöbəsinə rayon Mərkəzi Xəstəxanasından Potu kənd sakini Cavad Kərimovun naməlum avtomobil tərəfindən vurulması nəticəsində xəsarət alması ilə bağlı məlumat daxil olub.
DİN-in mətbuat xidmətindən Femida.az -a verilən məlumata görə, rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində hadisəni törədən şəxsin rayonun Hüngütlü kənd sakini Mobil Fərəcov olduğu müəyyən edilib.
Araşdırmalar zamanı məlum olub ki, Mobil Fərəcov noyabrın 21-i axşam saatlarında Göyçay-Ucar avtomobil yolunun Potu kəndi ərazisində hərəkətdə olarkən yolu keçən Cavad Kərimovu vuraraq ona xəsarət yetirib və hadisə yerindən qaçıb. O, polis əməkdaşları tərəfindən saxlanılaraq istintaqa cəlb olunub. Hadisəni törədərkən sürücünün sərxoş olduğu, eləcə də sürücülük hüququ olmadan avtomobili idarə etdiyi aşkar edilib.
Faktla bağlı Göyçay rayon Polis Şöbəsinin istintaq bölməsində araşdırma aparılır.
Femida.az
Oxunub: 670
Oxşar xəbərlər
- Piyadanı öldürən avtobus sürücüsü tutuldu
- Piyadanı vurub qaçdı, 6 gün sonra tutuldu
- Piyadanı öldürüb qaçan sürücü tutulub
- Piyadanı öldürüb qaçan 17 yaşlı sürücü tutuldu
- Piyadanı vurub qaçdı
- Piyadanı vurub qaçan qadın sürücü tutuldu
- Piyadanı traktorla vurub qaçan sürücü saxlanıldı - YENİLƏNİB
- Piyadanı maşınla vurub xəstəxanaya gətirdi
- Piyadanı maşınla vurub xəstəxanaya gətirdi
- Piyadanı öldürüb qaçan sürücü tutulub