“Ermənistan terrorçu dövlətdir“ - Səfir
23:25 13 Sentyabr 2015
Tacikistan hökuməti yanında Strateji Araşdırmalar Mərkəzində “Müstəqillik dövründə Tacikistan Respublikasının xarici siyasətinin əsasə xüsusiyyətləri” mövzusunda elmi-təcrübi konfrans keçirilib.
Azərbaycanın Tacikistandakı səfirliyinin mətbuat xidmətindən APA-ya verilən məlumata görə, konfransda Azərbaycanın Düşənbədəki səfiri Abbasəli Həsənov çıxış edib.
O, Azərbaycanın həyata keçirdiyi xarici siyasət təcrübəsindən danışıb, ölkəmizin bu gün Cənubi Qafqaz regionunun lider dövlətinə çevrildiyini önə çəkib.
"Regionda heç bir geosiyasi məsələ Azərbaycanın iştirakı olmadan reallaşmır. Bakı-Tiflis-Ərzurum qaz kəməri və Bakı-Tiflis-Qars dəmir yolu layihələrini buna misal göstərə bilərik. Cənubi Qafqazın ÜDM-nin 3/4 hissəsi Azərbaycanın payına düşür".
Ölkəmizin xarici siyasətindən danışan səfir Azərbaycanın birinci xanımı Mehriban Əliyevanın rəhbərlik etdiyi Heydər Əliyev Fondunun fəaliyyətini xüsusi qeyd edib. "Fond xarici siyasətdə “yumşaq güc” rolunu oynayır. Belə ki, fondun maliyyə dəstəyi ilə nəinki ölkə daxilində, həmçinin bir çox xarici ölkələrdə məktəblər, xəstəxanalar tikilir, mədəniyyət və tarixi abidələr təmir olunur".
Azərbaycan diplomatiyasının bir neçə ildir müdafiədən hücum diplomatiyasına keçdiyini deyən diplomat bildirib ki, hücum diplomatiyasının məqsədi Dağlıq Qarabağ münaqişəsi və Azərbaycanında həyata keçirilən islahatlar, sosial-iqtisadi inkişaf barədə dünya ictimaiyyətinə dolğun məlumatlar çatdırmaqdır. Ermənistanın terrorçu dövlət olduğunu deyən səfir qeyd edib ki, terror heç bir dövlət tərəfindən dəstəklənməməlidir: "Ona görə ki, terror genişlənərək gələcəkdə həmin dövlət üçün də problemlər yarada bilər”.
İqtisadi məsələlərə toxunan A. Həsənov hazırda Tacikistan-Əfqanıstan-Türkmənistan dəmiryolu layihəsi üzərində işlərin davam etdirildiyini, habelə Bakı-Tiflis-Qars dəmiryolunun tikintisinin yekunlaşmaq üzrə olduğunu diqqətə çatdırıb. "Bu layihələr gələcəkdə Mərkəzi Asiya regionunu, eləcə də Tacikistanı Avropa ilə birləşdirəcək. Nəticədə Asiya-Qafqaz-Avropa nəqliyyat dəhlizi yaranacaq", - deyə o vurğulayıb.
Oxunub: 833
Oxşar xəbərlər
- “Ermənistanı dövlət kimi tanımırıq” - Pakistan Senatının sədr müavini
- “Ermənistan destruktiv siyasət yürüdür” - Xələf Xələfov
- “Ermənistan AİB-dən çıxarsa, heç kim Azərbaycanı durdura bilməyəcək” - Rusiyalı politoloq
- “Ermənistana elə zərbələr vuracağıq ki, taktikadan istifadə edə bilməyəcək” - Polkovnik
- “Ermənistan ordusunda kadr çatışmazlığı var”
- “Ermənistan danışıqların məntiqinə zidd hərəkət edir”
- “Ermənistan gizli silaha malikdir”- İşğalçı ölkənin daha bir cinayəti
- “Ermənistan bizi təxribata çəkir” - Bahar Muradova
- “Ermənistanda Ter-Petrosyan dönəmidir”
- “Ermənistanın mərmiləri kütləvi qırğın yaradır” - XİN