Bakı təcridxanasında Lapşinin halı pisləşib?
19:11 22 Mart 2017
Bloger Aleksandr Lapşinin həyat yoldaşı Yekaterina Bakıda təcridxanada saxlanılan ərinin halının pisləşdiyini bildirib.
“Martın 17-də Saşa vəziyyətinin pisləşməsindən şikayətlənmişdi – bu barədə yazmışdım. Dünənki söhbətdən sonra isə onun vəziyyəti ciddi narahatlıq doğurmağa başlayıb. Başağrılarından əlavə, gecə burnundan qan açılıb”, - qadın özünün “Facebook” səhifəsində yazıb.
Yekaterinanın sözlərinə görə, təcridxananın həkimi ona ərinin vəziyyətinin normal olduğunu bildirsə də, narahatdır. Blogerin həyat yoldaşı Rusiyanın Bakıdakı səfirinə Lapşini diqqət mərkəzində saxladığı üçün minnətdarlığını da bildirib.
Eyni zamanda, Ədliyyə Nazirliyinin Penitensiar Xidmətinin mətbuat xidmətinin rəhbəri Mehman Sadıxov virtualaz.org-a bildirib ki, Lapşinin vəziyyətinin pisləşməsi barədə məlumat həqiqətə uyğun deyil: “Bu gün əldə etdiyimiz məlumata əsasən, Aleksandr Lapşinin vəziyyəti normaldır, səhhəti ilə bağlı problemi yoxdur”.
Oxunub: 4722
Oxşar xəbərlər
- Bakı metrosu qana boyandı - 23 yaşlı gənc özünü qatarın altına atdı
- Bakının mərkəzində qəza - İki maşın otelə çırpıldı
- Bakıda istehsal olunan çörəklərin Sumqayıtda satışına QADAĞA
- Bakıda qəzaya səbəb olan marşrutun daşıyıcı dəyişdi
- Bakıda yaşayış binası yanıb - Tüstüdən zəhərlənən var
- Bakıda qeyri-rezident səfirlər üçün qəbul keçirilib
- Bakıda daha bir küçə təmirə bağlanır
- Bakıda fərdi evdə yanğın olub
- Bakı-Tbilisi aviareysi təxirə salındı
- Bakıda qəza törədən qadın sürücünü döydülər